స్టార్ట్ మా టీవీలో ప్రసారమవుతున్న సీరియల్ 'బ్రహ్మముడి'(Brahmamudi). ఈ సీరియల్ గురువారం నాటి ఎపిసోడ్ -907 లో.....రాహుల్ మనిషి కావ్య డిజైన్స్ వేసిందనుకోని తన క్యాబిన్ కి వెళ్లి తీసుకుంటాడు. కావ్య, రాజ్ వచ్చి రెడ్ హ్యాండెడ్ గా పట్టుకుంటారు. నాకు తెలుసురా నిన్ను ఇలా బయటకు రప్పించడానికే ఈ ప్లాన్ అని కావ్య అంటుంది. అతన్ని పోలీసులకి పట్టించమని మేనేజర్ కి చెప్తాడు రాజ్.

ఇప్పుడు అర్థం అయిందా నేను ఎందుకు ఇలా చేసానోనని కావ్య అంటుంది కానీ భళే ప్లాన్ చేసావని రాజ్ అనగానే ఎంతైనా మీ భార్య ని కదా అని కావ్య అంటుంది. ఆ తర్వాత కావ్య డిజైన్స్ వేస్తుంది. అవి చూసి ఇంతకన్నా శృతి మంచిగా వేస్తుందని రాజ్ అనగానే కావ్య అలిగి వెళ్తుంటే బుజ్జగిస్తాడు రాజ్. నువ్వు ఈ రోజు డిజైన్స్ వేస్తావని రేపు షూట్ కోసం మోడల్ ని కూడా పిలిచానని రాజ్ అంటాడు. దాంతో కావ్య డిజైన్స్ వెయ్యడం స్టార్ట్ చేస్తుంది. అదంతా రాహుల్ వింటాడు. మరుసటిరోజు రాజ్ షూట్ కోసం అన్ని ఏర్పాట్లు చేసి శృతిని మోడల్ కి ఫోన్ చెయ్యమని చెప్తాడు. దాంతో మోడల్ కి ఫోన్ చేస్తే స్విచ్ ఆఫ్ వస్తుంది. ఆ విషయం రాజ్ కి చెప్తుంది శృతి. ఇప్పుడు మళ్ళీ కొత్త మోడల్ ఎక్కడ దొరకాలని టెన్షన్ పడుతాడు.

మరొకవైపు రాజ్ కి వచ్చే మోడల్ ని రాహుల్ తన ఆఫీస్ కి రప్పించుకుంటాడు. షూట్ క్యాన్సిల్ చేసుకున్నందుకు తనకి పది లక్షలు ఇస్తాడు రాహుల్. ఆ తర్వాత రాజ్ చాలా మోడల్స్ కోసం ట్రై చేస్తాడు. అందరు అందుబాటులో లేమని చెప్తారు. ఇంటికి వచ్చి రాజ్ టెన్షన్ పడుతూ అందరికి కాల్ చేస్తాడు. తరువాయి భాగంలో రాజ్ మోడల్ లేకుంటే ఎలా అని రాహుల్ అంటాడు. రాజ్ కి ఏమైనా తెలివి లేదా సెట్ చేసి ఉంటాడులే అని రుద్రాణి అనగానే కావ్య మోడల్ గా చేస్తుందని రాజ్ చెప్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.